醫護 - 你要罷工，那你為什麼要入這行？

五日前，當筆者聽到有前線醫護人員，要用罷工來抗議政府的行政失當，莫視他們的辛勞、辛酸。即時覺得很突兀、愕然。

因為，沒有人逼你選擇做醫護工作的。既然你入了這個行業，就應該預估會出現某程度的已知的不公平。那你應該化這些不公平所形成的怨氣、怨念，為工作能量、工作動力去服務有需要人士。而不是搞罷工抗爭，爭取即時回饋。

因為，你的做法，已是莫視生命。與醫護的工作性質背道而馳。

請你捫心自問，你還是一個稱職的醫護人員嗎？

筆者不會與某些心存歪念的人一樣叫你辭職。因為醫護行業一直人手不足。

筆者是要你冷靜下來，想清楚如何用正面正確的思想，去面對這個不公的狀況，來服務有需要人士囉。

原文發佈於2020年3月1x日，因修改錯字而被更新了日期囉...@@...¢¢

強積金 - 在熊市潮的部署 [真傳一點訣]

以前，未認真處理過強積金帳戶時。在選好投資組合後，就不了了之。如是者，十多年過去了，儲了二十多萬。

但，自從在網上睇到其他人可以將強積金帳戶啲錢越滾越多，自己又心癢手㾗，有樣學樣。

就喺啱啱呢個新冠肺炎疫症狀況下的熊市潮，不忍強積金啲錢蝕蝕蝕。將組合分段改了兩次，結果，帳面蝕咗足足四萬幾。唉@@

所謂，經一事，長一智。咁啱筆者改動組合嘅時候，有一隻基金就一直持有無轉過。所以，俾我睇到少少竅門嘢。依家同大家分享一下：-

就係...當你手㾗，想以短炒操作的話，帳面已經蝕咗嘅，就唔好理佢，原有組合維持不變，下期開始投資新的組合。咁樣，帳面蝕咗嘅，話唔定遲啲好景時會翻生呢。^^...

雖然有啲阿Q，但，呢個至係玩強積金嘅真傳一點訣囉。

股票投資 - 邁向我的投資之路

筆者相信，大部份人，在小時候，父母都會在身邊嘮嘮叨叨的說：「阿仔/阿女，記得俾心機讀書，將來搵到錢後，儲起佢，唔使變成窮光蛋。」

回想當年，筆者啱啱踏入社會大學時，我老爸就已經叫我買股票來儲錢。(係，你無睇錯，我無寫錯。係儲錢，唔係賺錢。)

由於當時年紀少，又被不良消息誤導，將股票投資與賭博畫上等號。所以，只係回咗句：「我都唔識，同埋，買股票咪又係賭嘅一種，唔好搞我。」就係咁，呢個儲錢嘅機會，會令我變成富翁嘅機會，白白喺自己身邊遊走咗二十幾個年頭。

直到2018年，一個偶然嘅機會，我得到一筆未來錢。於是，點樣可以將小錢變大錢嘅諗頭，又在腦內敲響。我老爸當年的那句話，又再次在耳邊徘徊。今次，我真係好認真去搵有關資料，了解了解一番。終於，將股票投資與股票賭博分開了，將它們的楚河漢界劃清楚了囉。

告訴你，筆者走的是「價值投資」之路。

至於計劃方案及進展如何，將來有機會，再跟大家分享。初步的概念，就是「狗股策略」不可取。依家只係啱啱起步 - 菜鳥級，俾啲時間我累積檢驗囉。...^^¥